Video
Read full review
2019-12-19
662 views
因為係銅鑼灣夠方便, 成日心思思想食濃味野就會黎呢度, 入面不論係廚房定樓面都係由南亞裔人士出任, 絕對夠哂地道。餐廳位於唐二樓, 餐前餐後行下樓梯有助腸胃。入到去坐低左之後研究左menu好耐, 因為樣樣野都好吸引, 但因為自己一個人都唔可以叫太多, 最後因為想食羊就叫左Rogan Josh秘製羊肉, 加埋原味nan同埋必點既 mango lassi 等左十五分鐘左右就上齊菜啦, 羊肉既汁夠濃唔會太稀, 食得出係用好多香料同材料去整, 用黎配nan食就最夾。最欣賞佢既係啲羊肉煮得好冧, 食左六七舊都一啲都唔嚡, 有少少肥而且非常入味。Nan一份有三大塊, 一個人食份量啱啱好, 個底脆又有麵粉香, 下次想試埋garlic nan, 用黎配咖哩應該會超香口!Mango lassi就不嬲都係配咖哩既必然之選, 酸酸甜甜開胃之餘又解膩, 呢度既mango lassi好大杯, 可以唔使就住就住飲得夠爽
入到去坐低左之後研究左menu好耐, 因為樣樣野都好吸引, 但因為自己一個人都唔可以叫太多, 最後因為想食羊就叫左Rogan Josh秘製羊肉, 加埋原味nan同埋必點既 mango lassi
等左十五分鐘左右就上齊菜啦, 羊肉既汁夠濃唔會太稀, 食得出係用好多香料同材料去整, 用黎配nan食就最夾。最欣賞佢既係啲羊肉煮得好冧, 食左六七舊都一啲都唔嚡, 有少少肥而且非常入味。
Nan一份有三大塊, 一個人食份量啱啱好, 個底脆又有麵粉香, 下次想試埋garlic nan, 用黎配咖哩應該會超香口!
Mango lassi就不嬲都係配咖哩既必然之選, 酸酸甜甜開胃之餘又解膩, 呢度既mango lassi好大杯, 可以唔使就住就住飲得夠爽
Post
