高木炭火鳥燒 (Closed)

棉登徑一向岀名多日本餐廳，今次去咗試呢間串燒小店，店入面大約二十個位，其中6個係bar位，感覺其實有d迫。串燒即叫即燒，我覺得製作時間比一般串燒店耐，但食物水準絕對會令你願意等，推介黑松露雞髀菇，明太子雞翼，同燒飯團。今次叫咗支清酒’美丈夫’，今次係第一次飲呢支清酒，餐牌寫係辛口，但飲落唔係辛口，偏甜，唔係咁啱我口味。見到佢哋餐牌有三款京都麥啤，下次再嚟應該會改試佢啲啤酒。餐廳位置近K11，去佢度食嘢絕對方便。