丼吉日式吉列豬排專門店 (The ONE)

Open Now

Now Closed

偶然在網上見到吉列豬扒的相片，便有了食欲，故相約朋友搵間吉列豬扒專門店一試，果然食後食指大動。二人胃口有限，想試多啲菜式真係要叫多啲人一齊食。我們當日叫了個二人前餐，吉列豬扒、豬柳及炸大蝦，果真沒有失望。炸大蝦真係好大隻，蝦肉啖啖，外層穌脆，油味又唔重，食完都唔覺熱氣。豬扒大大塊，超厚身，咬落好滿足，滋味十足。佢既飲品梅子梳打亦相當味濃，但濃得黎是清甜的、清涼的，朋友指他叫的荔枝梳打亦好好飲。最後送來甜品，是小小一杯幾粒的西瓜，十分體貼，食完酥炸物食口清甜西瓜真是一流。再喝兩口綠茶清一清油膩感，望住窗外尖沙咀城景，一座大大的白宮清真寺，過了個寫意的周末午膳時間。