彈彈旦 (Closed)

魚蛋呢種街頭小食係香港不論大人定細路都咁鐘意食，當然我都係啦~ 開業一段時間既彈彈旦以醬料見稱，有多款口味選擇。而我揀左最為邪惡既黑胡椒芝士醬。一拎上手濃郁既胡椒芝士香氣不斷湧上，色澤鮮豔既芝士遍佈爽彈白滑魚蛋既表面。輕咬一啖，原來芝士中仲有煙肉，增添鹹香感，非常滋味。朋友則鐘意食天婦羅炸蛋~魚蛋表皮既炸醬只有薄薄既一層，炸醬薄但好有口感，而且本身就好有味道，炸蛋外酥內彈。其他醬料都幾吸引，可以下次一試。