Video
Read full review
2023-04-06
89 views
📍大家都知大圍多嘢食，但嚟嚟去去都係去返地鐵站附近，今次我哋一於去遠少少嚟到大圍下徑口村~由大圍站出去都唔使行好耐，大概10幾分鐘到，中間經過田心村，沿路大多村屋同低密度住宅，望到大大個操場同埋好有特色嘅民居，就好似返返去日本咁！如果大家閒日有時間，想周圍行吓，不妨嚟呢度☺️我哋去到嘅時候大概七點左右，當時都冇咩人，但夜少少就會全場full晒。入到去發現間舖頭細細間，喺三層村屋嘅最下面，睇落非常住家，同出面嘅食店非常唔同，有別一番嘅風味。店內環境如下🪑餐牌如下🍲(未能盡錄）🔻1. 菠蘿沙冰（$36）~ 飲品另外有跟餐優惠我平時好怕啲甜品舖或者台式飲品店嘅沙冰油好重人工香料味🙈食落去好似一大堆色素同香精堆砌而成咁，但係呢度嘅菠蘿沙冰好原汁原味！我哋喺出面都見到佢並唔單只係用機打，同樣有用人手打啲沙冰出嚟，所以佢嘅口感比較綿密細膩～而且杯嘢都非常抵，一擺上台一杯好似成個手臂咁高。🔻2. 雙檸特飲 （$ 32）相信大家凍檸茶就飲得多，唔知有冇飲過兩種檸檬混和一齊嘅呢？呢杯嘢飲加咗意大利青檸果肉，同埋新鮮檸檬，令到佢嘅顏色外觀都有兩隻色嘅分差。一邊飲就可以食到啲青檸果肉，細細粒都幾fresh，口
由大圍站出去都唔使行好耐，大概10幾分鐘到，中間經過田心村，沿路大多村屋同低密度住宅，望到大大個操場同埋好有特色嘅民居，就好似返返去日本咁！
如果大家閒日有時間，想周圍行吓，不妨嚟呢度☺️
我哋去到嘅時候大概七點左右，當時都冇咩人，但夜少少就會全場full晒。入到去發現間舖頭細細間，喺三層村屋嘅最下面，睇落非常住家，同出面嘅食店非常唔同，有別一番嘅風味。
店內環境如下🪑
餐牌如下🍲(未能盡錄）
🔻
1. 菠蘿沙冰（$36）~ 飲品另外有跟餐優惠
我平時好怕啲甜品舖或者台式飲品店嘅沙冰油好重人工香料味🙈
食落去好似一大堆色素同香精堆砌而成咁，但係呢度嘅菠蘿沙冰好原汁原味！我哋喺出面都見到佢並唔單只係用機打，同樣有用人手打啲沙冰出嚟，所以佢嘅口感比較綿密細膩～
而且杯嘢都非常抵，一擺上台一杯好似成個手臂咁高。
🔻
2. 雙檸特飲 （$ 32）
相信大家凍檸茶就飲得多，唔知有冇飲過兩種檸檬混和一齊嘅呢？呢杯嘢飲加咗意大利青檸果肉，同埋新鮮檸檬，令到佢嘅顏色外觀都有兩隻色嘅分差。一邊飲就可以食到啲青檸果肉，細細粒都幾fresh，口感好得意！
🔻
3. 毒門雞中翼 （$48）
我同同行嘅朋友都係雞翼愛好者，兩個不斷讚不斷爭，差啲搶唔到！佢嘅雞翼好有層次，一方面味道濃郁， 烤咗嘅皮都好有口感；）如果你同我一樣都係雞翼殺手，千祈唔可以錯過！
🔻
4. 牛頸脊濃湯烏冬配溫泉蛋 （$60）
就咁睇賣相可能平平無奇，但係奧妙之處喺個湯底，老闆用牛尾、豬骨、蘿蔔、洋蔥熬煮而成，反覆醃製，將牛嘅精髓集合埋一齊。
在配埋彈牙嘅烏冬同溫泉蛋真係冇得頂！我差唔多成碗湯飲晒咁滯，佢同出面嘅味精湯非常唔同，搞到我都唔記得自己想減肥🙈
🔻
5. 原件黑安格斯牛扒飯配溫泉蛋 （$118 ）
呢碗係我個friend嗌嘅，我試咗佢一兩舊牛，發現都幾有咬口又唔實，配埋飯素同溫泉蛋撈飯都算係一番享受！
🔻
最後我哋兩個總共食咗$266 ，除返開都係百幾蚊一個人，所以都幾抵👍🏻間舖頭係由夫婦家庭式經營，不論環境、人定食物都俾我都有住家飯式嘅溫暖，老闆娘都好Nice，舖頭冇咩人嘅時候都會同我哋傾幾句計，食完又再行返去大圍搭車走，都算係個唔錯嘅出走經驗💕
Post
