海南少爺 (Closed)

我記得N年前睇過一篇報道係講「海南少爺」呢間餐廳點樣有要求去做一碟出色嘅海南雞，連碟黑醬油都要經過千挑萬選，總之就係講到好有要求兼好有熱誠去做好碟海南雞。我睇完篇報道之後就好快去咗海運果間「海南少爺」度食，我記得當年食到媽媽聲，所以只係食過一次，仲諗住佢會好快執😅。事隔咁多年，有次經過見到佢仲係度而且門口仲有啲人排隊🤔心諗：「居然捱到咁多年，唔通佢啲食物好咗？！跟住開始懷疑自己，唔通係我問題？！」於是決定俾多次機會佢再嚟食⋯⋯😂我真係太天真，居然俾機會佢伏多我一次🌚。招牌海南雞飯 - 真係好普通，唔難食，$128，味道肯定好過大家樂，咁你收唔收貨？新加坡古法黑豉油雞飯 - 味道似曾相識，就係你隨便去一間燒臘舖買嘅豉油雞囉 ～ 一樣都係$128。星洲醬油參巴炒蘿蔔糕 - 味道係ok嘅，算好食，有啲細碟，唔知係唔係蘿蔔糕係先炸過，但係又唔係炸到脆，搞到啲蘿蔔糕啲質地怪怪哋，會黐牙。