浜滝 (Closed)

同friend去完銅鑼灣行街，我哋決定近近地去天后食好野，呢間日本嘢門面已經好搶眼，十足十日本設計，坐得夠闊落，都幾舒服。食咗近江牛串燒，肉味好濃，不過一串share真係唔夠喉。另外蟹腳拉麵湯底夠鮮味，賣相好得，有成隻溏心蛋，但唔算話一試難忘，不過原來個底有幾熱石一直保溫，咁細心值得一讚。再黎就係半熟吞拿魚，本身期望好高，點知出哂血水，感覺唔新鮮，反而無咩期望嘅大板燒都唔錯，柴魚片鋪滿哂個煎餅，每啖都食到材料係入面。雖然唔係樣樣都好好食，但作為同朋友黎傾下計食下嘢嘅地方，都算係唔錯。