高木炭火鳥燒 (Closed)

放工與姐妹聚聚，又唔想太大負擔，所以就想搵緊好似日本居酒屋，食小食，喝一杯。最後我們選了高木炭火鳥燒，店舖雖少，但好有日本居酒屋小店的氣氛。叫串燒，燒物類，感覺無咁大負擔，因為係以串為單位，所以可以試多幾款。我們叫了：A4和牛+黑松露金菇牛肉卷+露筍豬肉卷+鹽燒豚肉+日本蕃薯+菠蘿+芝士年糕+帶子+蒲燒鰻魚+鵝肝+明太子雞翼。A4和牛：和牛粒，不會韌，入口多汁。黑松露金菇牛肉卷：黑松露濃郁，金茹份量多，牛肉唔會燒到過老。露筍豬肉卷：露筍嫩，豬肉亦都唔會燒到過老，過韌。鹽燒豚肉：似係用了五花腩的位置，帶有脂肪，但入口又唔會成口油。日本蕃薯：用的係小蕃薯，甜度適中，一口一粒剛剛好。菠蘿：非常驚喜，平日都愛食燒菠蘿，但今日一試，太大驚喜，菠蘿的外層有焦糖，除了增加了甜度，重多咗層脆的口味，呢層令到菠蘿的汁沒有流失，好juicy。芝士年糕：唔同一般用炸，不會太油，但都做到外脆內軟，入面好軟熟。帶子：都算大粒，不會燒到過乾，入面都充滿肉汁。蒲燒鰻魚：鰻魚燒得個邊脆脆的，充滿鰻魚汁。鵝肝：配一個小飯團，飯團都有燒過，外皮都係脆。明太子雞翼：明太子非常多，雞翼燒得好均勻。