留白居酒屋 (Closed)

景峰竟然開咗間居酒屋，屯門嚟講好少可，見門口好似幾吸引就去試吓！去居酒屋點少得食串燒，對我來講係我最愛。雞皮韮菜 呢個我個人幾鐘意，韮菜烤完都水分十足，同脆香的雞皮好夾豬脷 佢係屬於厚切，醃得幾好，連唔食豬脷嘅朋友都話唔錯正路烤得不過不失， 食多咁多肉都要叫下蔬菜每日唔同品種嘅日本生蠔供應，價錢合理，店主話可以提前訂定。依家佢地終須有酒牌，所以叫左支啤酒，串燒配啤酒，就係正。 清酒煮蜆嘅酒味清香，帶出蜆嘅鮮味，湯都好好飲，完美咁清曬d湯日式咖哩飯，咖哩好足料，個蝦係隔離養住直接撈上黎，所以都幾新鮮！ 係一班年輕人經營嘅小店， 整體不錯，串燒火喉烤得不錯，但調味上有更多變化會更好，下次試多d海鮮！