Video
Read full review
2019-11-18
22 views
呢一日收咗工嚟到旺角買嘢，途經白布街，見到有間幾別緻嘅日式居酒屋。喺門口就已經見到吧檯嘅師傅準備食物，望到都幾吸引，於是同朋友一齊入去試下。雖然係居酒屋，但係亦都有唔同類型嘅食物，例如刺身、燒物、煮物等等，更有Omakase set，可以因應筆直同埋口味，由師傅發板準備食物。好快就送上一份前菜，見到咁精緻嘅蟹肉玉子豆腐，已經令我好期待之後嘅食物。同一般嘅玉子豆腐好唔同，嫩滑得嚟，更有蛋味同豆香，加上鮮甜嘅蟹肉同清香嘅菊花，絕對係秋天嘅味道。跟住嚟咗一份刺身拼盤，包括有深海池魚、鯛魚、油甘魚、同埋帶子。師父亦都先提醒我哋，可以按照魚肉擺放嘅順序食起，由淡味食到濃味。而我就比較鍾意食帶子同油甘魚，帶子好清甜好新鮮，而油甘魚較濃味，有魚油香。至於呢一個味噌煮牛舌，就令我好驚喜，估唔到牛舌都可以煮到咁淋咁嫩滑，好似食緊牛腩一樣咁爽口。吉列帶子炸得剛剛好，唔會太油膩，而且帶子仲保持到嫩滑口感，唔會太老，師傅炸功唔錯。喺我哋食緊嘢嘅同時，亦都可以睇見師傅喺度準備緊串燒。第一樣出場嘅燒物就係燒牛舌芯，同頭先嘅味噌煮牛舌相當唔同，呢個牛舌芯嫩滑得嚟好有牛味，而且爽嫩彈牙。據師父所講，一條牛舌嘅只能夠做
雖然係居酒屋，但係亦都有唔同類型嘅食物，例如刺身、燒物、煮物等等，更有Omakase set，可以因應筆直同埋口味，由師傅發板準備食物。
好快就送上一份前菜，見到咁精緻嘅蟹肉玉子豆腐，已經令我好期待之後嘅食物。同一般嘅玉子豆腐好唔同，嫩滑得嚟，更有蛋味同豆香，加上鮮甜嘅蟹肉同清香嘅菊花，絕對係秋天嘅味道。
跟住嚟咗一份刺身拼盤，包括有深海池魚、鯛魚、油甘魚、同埋帶子。師父亦都先提醒我哋，可以按照魚肉擺放嘅順序食起，由淡味食到濃味。
而我就比較鍾意食帶子同油甘魚，帶子好清甜好新鮮，而油甘魚較濃味，有魚油香。
至於呢一個味噌煮牛舌，就令我好驚喜，估唔到牛舌都可以煮到咁淋咁嫩滑，好似食緊牛腩一樣咁爽口。
吉列帶子炸得剛剛好，唔會太油膩，而且帶子仲保持到嫩滑口感，唔會太老，師傅炸功唔錯。
喺我哋食緊嘢嘅同時，亦都可以睇見師傅喺度準備緊串燒。
第一樣出場嘅燒物就係燒牛舌芯，同頭先嘅味噌煮牛舌相當唔同，呢個牛舌芯嫩滑得嚟好有牛味，而且爽嫩彈牙。據師父所講，一條牛舌嘅只能夠做出三串嘅牛舌芯，真係非常珍貴，唔係咁易食到。
而燒秋葵同茄子就較為清爽，配合燒汁嘅味道，帶出蔬菜嘅清甜。
紫蘇雞肉同燒雞肉就採用咗唔同做法，前者用鹽燒雞肉，內裏包上紫蘇葉，有種獨特嘅清香，後者就採用燒汁燒到外皮乾身酥脆，兩種食法都咁好味。
至於燒沙甸魚都好特別，平時一般嚟講都好少食到新鮮嘅沙甸魚，估唔到日本北海道嘅沙甸魚係咁肥美，魚味好濃。
最後仲食埋個水信玄餅做結尾，清淡嘅果子配上黑糖，雖然味道簡單但舒服。
整體食物質素唔錯，而且好食得出師傅烹調嘅時候好有心機，所用嘅食材都有精挑細選，花咗唔少心思，令人食得出驚喜。
Post
