三代目 (港運城)

Open Now

Now Closed

日式居酒屋同拉麵都係我比較鍾意既日式餐廳同料理，如果兩者mix埋一齊就會錦上添花。最近就去左係北角既【三代目】主打居酒屋同特色小食、拉麵、丼飯等等。最特別就係有$188任飲9款特色清酒，分左3個唔同口味類別，可以搭配唔同下酒菜/小食。仲有9隻好靚既清酒杯，唔會撈亂味。 黑椒炙牛拉麵：好特別係牛肉既拉麵，通常都係豚肉同鷄肉。湯底係豬骨湯，但係鹹淡適中、唔會好油。拉麵分量都算多，調味比較簡單，可以食的出牛肉既鮮嫩同豬骨湯既香濃。 辛燒豚梅肉拉麵：湯底都係豬骨湯，不過會加左辣椒，所以湯底變得香香辣辣。叉燒用左豬梅花肉，肥瘦相間，油脂味香。 海之天婦羅：包括蝦、鯛魚、黑松露帶子、墨魚、紫蘇葉。新鮮炸起，天婦羅炸皮非常乾爽香脆，海鮮都好新鮮！個人反而最推薦紫蘇葉，因爲真係好少地方食到。 照燒魷魚筒：好爽脆既魷魚搭配甜甜既照燒醬，搭配清酒一流。 蘋果焙茶：蘋果汁+焙茶，蘋果味唔算太濃，不過好解渴。 荔枝焙茶：荔枝+焙茶，荔枝味會比蘋果濃，不過都好清爽。