留白居酒屋 (Closed)

比朋友睇呢間食物，個個第一眼話似吉x家🥲呢間小店鋪面細細，但味道不求其。入到餐廳係OpenRice發現啲賣相麻麻，但入到餐廳冇理由走，到自己見到嘅時候會諗OpenRice啲人點解影得咁差，因為佢賣相真係唔差，味道都唔差。下午茶時間主食會配左玄米茶同沙律。我哋揀咗一個五花腩丼飯，事關我朋友勁鍾意食肥豬肉，理解唔到點解冇肥肉不歡既朋友都瘦既？五花腩上面加咗啲七味粉，味道幾香，而且佢唔算話真係超肥，我接受到。和風牛肉湯烏冬，個個都話勁似吉野家，佢哋個碗係真係有啲似，仲要牛肉烏冬更加似🤣當你有個鍾意食炸嘢嘅朋友，你每餐都會見到有炸物😅唐揚炸雞，外脆內軟，即叫即炸，感覺唔錯。炸魚手指有驚喜，開頭以為係平時出面買嘅急凍魚手指炸，但佢唔係平時嗰啲魚手指，味道幾好，同埋好食過平時嘅急凍魚手指。店舖外面嘅旁邊仲有個魚檔，聽聞可以揀完海鮮喺舖頭裏面煮，好有特色！