黑門水產すいさん (Fashion Walk)

Open Now

Now Closed

環境5分：日本餐廳面積好大，仲有埋室外座，好有地道feel，畀五分。衛生5分：地方乾淨企理，抽氣好，衛生都係滿分。服務5分：服務員爽手唔囉唆，燒野手勢好，自助落單，方便快脆，一樣滿分。味道5分：1)     黑松露白汁燒帆立貝响你面前燒，非常香松露味，松露豐富，帶子又厚又鮮甜，加白汁同松露個組合好夾。2)     海膽蟹味噌甲羅燒都係响你面前燒，非常講究，只能攪兩野，不能多攪因為會出水，想玩都唔得。燒到滾熱辣搽落餅乾上非常重蟹味，又鮮又濃好好食。3)     北海道飛魚刺身原條上，刀功好，新鮮爽甜，酸汁開胃惹味。食完刺身加$38炸埋條魚骨，脆卜卜好香口。4)     燒牛舌心一串三件好juicy，牛味香。5)     燒雞尾好爽脆。6)     燒雞皮好似炸出黎咁卜卜脆同乾身。7)     炸蓮藕片切到超薄，甜甜咸咸，好似薯片咁香脆。8)      豚肉湯牛肉稻庭烏冬份量足，有五塊軟腍嘅牛肉，烏冬煙煙韌韌，有埋小唐菜同昆布。抵食5分：兩個人一千鬆啲，又有日本傳統貝燒，又有串燒刺身，又有專人服侍，抵哂。