Video
Read full review
2020-04-14
51 views
湯底同叉燒十分出色既一間拉麵店因為太掛住去日本既關係, 所以今日特登去搵拉麵店食! 金鶴拉麵佢有好多間分店, 今日就去左北角和富道呢間. 店口細細地, 入面環境都好有日本風, 加佢既牆紙用左和風既金鶴設計, 同店名做左映襯, 特別有feel!佢除左賣拉麵之外仲有d小食, 例如串燒枝豆餃子炸雞等等. 我今次就加嗌左枝豆同幾串串燒. 講下d串燒先, 嗌左雞腎雞皮同雞心試下, 食得出佢燒烤既香味既, 不過就略為咸左d, 調味個方面就因人而異既. 雞皮佢都算燒得香脆, 只係未去到脆口個隻, 仲有d油脂係底. 另外都嗌左幾款肉類, 我個人就比較欣賞內臟類既串燒. 又或者都係主要食番拉麵好d. 哈哈哈佢呢排做個指定拉麵買一送一既優惠! 好抵食! 我地分別嗌左黑蒜醬油同鹽味拉麵, 黑蒜醬油佢味道濃郁, 醬油味好香唔會係咸到乾個種, 鹽味都係唔係咸死個隻, 不過食到最後飲埋d湯就真係開始覺得咸. 要讚一讚既係佢d肉, 叉燒同慢煮雞胸肉都係出息既, 燒到岩岩好, 食落可口, 油脂分佈都好平均, 薄薄既一塊令人食完又想再食. 整體黎講湯底係做得幾好, 一啖拉麵一啖湯, 好滿足.最後要講既佢係有唔同日本進口
因為太掛住去日本既關係, 所以今日特登去搵拉麵店食! 金鶴拉麵佢有好多間分店, 今日就去左北角和富道呢間. 店口細細地, 入面環境都好有日本風, 加佢既牆紙用左和風既金鶴設計, 同店名做左映襯, 特別有feel!
佢除左賣拉麵之外仲有d小食, 例如串燒枝豆餃子炸雞等等. 我今次就加嗌左枝豆同幾串串燒. 講下d串燒先, 嗌左雞腎雞皮同雞心試下, 食得出佢燒烤既香味既, 不過就略為咸左d, 調味個方面就因人而異既.
雞皮佢都算燒得香脆, 只係未去到脆口個隻, 仲有d油脂係底.
另外都嗌左幾款肉類, 我個人就比較欣賞內臟類既串燒. 又或者都係主要食番拉麵好d. 哈哈哈
佢呢排做個指定拉麵買一送一既優惠! 好抵食! 我地分別嗌左黑蒜醬油同鹽味拉麵, 黑蒜醬油佢味道濃郁, 醬油味好香唔會係咸到乾個種, 鹽味都係唔係咸死個隻, 不過食到最後飲埋d湯就真係開始覺得咸. 要讚一讚既係佢d肉, 叉燒同慢煮雞胸肉都係出息既, 燒到岩岩好, 食落可口, 油脂分佈都好平均, 薄薄既一塊令人食完又想再食. 整體黎講湯底係做得幾好, 一啖拉麵一啖湯, 好滿足.
最後要講既佢係有唔同日本進口既手工啤酒, 一開頭諗住嗌生啤, 不過店員話中環個間先有, 所以就試左佢其中一隻手工啤. 點知意外地好飲, 凍冰冰好舒服, 啤酒既花香同手工啤獨有既口味, 配搭拉麵真係一流! 下次可以encore外賣, 仲有折扣優惠!
Post
