月．火鳳燒鳥 (Closed)

近排真係好忙，但都想出黎鬆一鬆，於是約左朋友黎呢間月·火鳳燒鳥的居酒屋hea下，享受一下美食兼傾下計。先有呢個豆腐前菜，豆腐口感好滑，有香濃豆味，整體味道酸酸地，幾醒胃。之後有非常新鮮的三點刺身，有口感爽口嫩滑的深海池魚，鮮味又嫩口的油甘魚及油脂感豐富，入口即化的拖羅，好正啊。呢碗係香噴噴的味增煮牛舌，牛舌煮的好入味，肉質好腍，食落有啲似牛腩，有好濃郁的牛味。加上蔥同味噌調味，令牛舌味道更有層次更豐富，一食難忘。這個是我最喜歡食的炸物，有蠔同帶子。炸得香脆可口唔油膩，外脆內嫩又juice，加上檸檬汁，令啲炸蠔同炸帶子flesh得黎更好食。係居酒屋食野，必點串燒，今次都唔例外，叫了幾款串燒，而且啲串燒仲燒得好靚，味道又香，真令人流晒口水，yummy!有肉質嫩滑風味十足的雞頸(左)，好少地方會有得食。口感爽脆的雞胸軟骨(右)，同樣係少見的食材，吱啲檸檬汁食，令串燒啲味道更吸引。明太子免治雞肉棒(左)，口感結實，而且啖啖肉，加上咸辣惹味的明太子，好味之餘仲好夾。煙肉車厘茄(中)，燒得咸香脆口的煙肉包住車厘茄，咬落去爆晒啲車厘茄汁出黎好醒胃。秋葵(右)外層燒至香脆，咬落爽口，好食。嘩～呢條燒魚