Video
Read full review
2022-03-12
873 views
平日返工咁攰，嚟到周末當然要輕鬆吓。今日就應友人邀約嚟中環閣麟街呢間集居酒屋同餐廳於一身嘅美食酒吧「Musubi Hiro」嘆番個 Weekend Brunch。店面裝潢非常搶眼，由室外嘅大牆，以至室內嘅 feature wall 都繪滿了藝術塗鴉，色彩繽紛奪目，令人心情大悅。聽朋友講，餐廳除了主打多款創意無限且非常貼地嘅御結同居酒屋風格小食外，最近更推出咗 3 道菜周末早午餐 ($268/位)，所以就特意訂咗位同我嚟品嚐。每份 Brunch Set 都會包 1 個 Starter、1 個 Main 同 Dessert of the Day。前菜我哋揀咗 Japanese Empanada with Chimichurri 日式餃子配阿根廷青醬 同 Sea Urchin, Tuna Tartare Musubi 海膽吞拿魚他他御結 (+$88)。餃子炸得非常香口，內有滿滿嘅咖喱五花肉，五花肉肥瘦適中，咖喱辣度溫和，配上萬用阿根廷青醬，入口微酸微辣，帶陣陣香草嘅清香，充滿南美及日本風情。至於另一款海膽吞拿魚他他御結，用料亦十分講究，御結採用頂級海苔和日本越光米炮製，面層鋪滿了拌以蔥花及醬
店面裝潢非常搶眼，由室外嘅大牆，以至室內嘅 feature wall 都繪滿了藝術塗鴉，色彩繽紛奪目，令人心情大悅。
聽朋友講，餐廳除了主打多款創意無限且非常貼地嘅御結同居酒屋風格小食外，最近更推出咗 3 道菜周末早午餐 ($268/位)，所以就特意訂咗位同我嚟品嚐。
每份 Brunch Set 都會包 1 個 Starter、1 個 Main 同 Dessert of the Day。
前菜我哋揀咗 Japanese Empanada with Chimichurri 日式餃子配阿根廷青醬 同 Sea Urchin, Tuna Tartare Musubi 海膽吞拿魚他他御結 (+$88)。
餃子炸得非常香口，內有滿滿嘅咖喱五花肉，五花肉肥瘦適中，咖喱辣度溫和，配上萬用阿根廷青醬，入口微酸微辣，帶陣陣香草嘅清香，充滿南美及日本風情。
至於另一款海膽吞拿魚他他御結，用料亦十分講究，御結採用頂級海苔和日本越光米炮製，面層鋪滿了拌以蔥花及醬油嘅吞拿魚他他及甘香鮮甜嘅海膽，海膽鮮美濃郁，入口即融。
主菜揀咗 El Gringo日式炸雞配鬆餅 同 Hiro Cowboy 150g 牛扒配無限量薯條(+$48)。
日式炸雞以 Pancake 墊底，面頭再放上一隻嬌豔欲滴嘅煎蛋，賣相很吸引。雞肉即叫即炸，入口外脆內嫩，肉汁非常豐富。熱香餅厚薄適中，入口軟綿綿；太陽蛋有燶邊，連底部也煎得金黃香脆，蛋黃全流心，入口蛋味香濃。
牛扒水準亦唔錯，生熟程度剛好，粉紅嫩心，入口肉質軟滑。薯條新鮮即炸，熱辣辣，香脆又不油膩，配旁邊嘅柚子沙律菜吃，有營又健康！
是日甜品係 Honey Cake 蜂蜜蛋糕，蛋糕嘅質地好綿密，食落帶陣陣蜂蜜清甜，口感很不錯。
如果想慢慢嘆嘅話，建議每位 +$198，將套餐升級至兩小時無限暢飲，可盡情享用香檳、指定日本清酒、啤酒、雞尾酒、紅白酒等。
Post
