Video
Read full review
2012-10-19
41 views
終於到我生日喇哈哈, 雖然唔係正日但同事都好豪, 上次知我喜愛上鐵板, 今次到我主場!聽講呢度係食咩爐端燒, 同事請唔想太貴(我覺得會貴…)所以食鐵板算(hehe)是次生日飯都算係人生TOP TEN 豐富嘅一餐:Sashimi Platter, 嘩! 粒北海道帶子大到屈人水樽直徑咁大, 鮮甜多汁, 柔軟似肥豬肉嘅質感, 上品! 另外海膽濃濃地溶喺口中, 非常滿足。之後食松露汁煮聖子, 巨型聖子以為肉會比較鞋口, 原來都好彈牙同煙靱, 松露汁煮出嚟並無乜松露味道, 非常似沙茶醬, 嘩! 我最喜愛嘅龍蝦! , 開邊用牛油煎, 唔理喇上次已經夠肥啦橫店都肥唔爭在! 香到隔離臺都望過嚟, 上鐵板時候重係爬嚟爬去, 包新鮮! 之後師傅重表演拆龍蝦腳, 我真佩服, 呢個師傅超搞笑, 佢扮另外一個師傅, 拆肉時候隻手指May會飛出嚟, 真係娛樂性豐富, HAHAHA龍蝦腳其實味道比蝦身更多海水鮮味, 而且更滑, 口感似食糖, 師傅好功夫!佢繼續學佢同事抄飯, 睇翻相都想笑---就係咁 “女人抄飯”製成! 我都唔知咩叫女人抄飯, 呢個師傅無句真, 連佢係香港人定日本人我都唔知因為佢兩樣都識講, 飯非常
聽講呢度係食咩爐端燒, 同事請唔想太貴(我覺得會貴…)所以食鐵板算(hehe)
是次生日飯都算係人生TOP TEN 豐富嘅一餐:
Sashimi Platter, 嘩! 粒北海道帶子大到屈人水樽直徑咁大, 鮮甜多汁, 柔軟似肥豬肉嘅質感, 上品! 另外海膽濃濃地溶喺口中, 非常滿足。
之後食松露汁煮聖子, 巨型聖子以為肉會比較鞋口, 原來都好彈牙同煙靱, 松露汁煮出嚟並無乜松露味道, 非常似沙茶醬,
嘩! 我最喜愛嘅龍蝦! , 開邊用牛油煎, 唔理喇上次已經夠肥啦橫店都肥唔爭在! 香到隔離臺都望過嚟, 上鐵板時候重係爬嚟爬去, 包新鮮!
之後師傅重表演拆龍蝦腳, 我真佩服, 呢個師傅超搞笑, 佢扮另外一個師傅, 拆肉時候隻手指May會飛出嚟, 真係娛樂性豐富, HAHAHA
龍蝦腳其實味道比蝦身更多海水鮮味, 而且更滑, 口感似食糖, 師傅好功夫!
佢繼續學佢同事抄飯, 睇翻相都想笑---就係咁 “女人抄飯”製成! 我都唔知咩叫女人抄飯, 呢個師傅無句真, 連佢係香港人定日本人我都唔知因為佢兩樣都識講, 飯非常煙靱, 飯裡面有薑醒神開胃, 重有蝦仔鹹鹹哋, 為呢餐生日飯劃上完美句號。
呢度個景當然無需要講, 無敵! 其實喺Ritz Carlton 又或者sky 100望, 其實分別真係唔大, 今晚有豐富海鮮晚宴, 無敵高空景, 搞笑師傅同一班好同事, 我比滿分。
Post
