簡品堂

Open Now

Now Closed

屋企人好鍾意食「簡品堂」麵包和麻糬，可惜屋企樓下無分店。今日收工經過天后分店，即刻要買返多啲，否則真係唔夠分，一下食晒，又要跑多轉出去買。🌟#麻薯QQ球超好食！每次都要食幾個QQ球先滿足，口感煙煙韌韌，超多種口味，朱古力餅、紫菜肉鬆等，小朋友最愛朱古力味，而長輩最愛鹹甜香口的紫菜肉鬆。🌟#糯米糍必試！見到新出多種口味，真係樣樣都想試。大甲芋泥、草莓、開心果、芒果，皮薄餡多，煙靭香甜，每一啖都係大滿足～🌟#扁牛角可頌沾上朱古力、草莓、開心果醬料的可頌，大大件，賣相非常吸引，咬落香酥，配咖啡或奶茶，絕配！🌟#袋裝麻糬波波屋企一家大小細都鍾意食，配咖啡或牛奶，好正。口味選擇多，朱古力、開心果、芝士、紫菜肉鬆、脆皮黑芝麻等，最愛煙韌鬆軟，早晨之選。