一茗堂 (南山商場) (Closed)

復活節假期期間 去左又一城行街突然心血來潮 想去南山村尋食 （聽說個度有好多隱世地道美食😋）我哋沿住達之路好快就行到村內有間士多 有賣好多懷舊零食 好正！行行下去到街市附近發現到哩間小店 就入去試吓哩度環境簡潔舒服 店員姨姨都非常有人情味❤️🔸招牌雞扒煎蛋配白飯、時令蔬菜、伴蒜蓉汁（$58）半熟煎蛋、蒜蓉汁加埋一齊已經很下飯，雞扒大塊、煎得香脆、刀切落去嘅時候雞皮仲脆到發出「咯咯」聲。🔸紐西蘭肉眼牛扒配薯條、原粒燒蒜頭、炒洋蔥、伴紅酒汁（$89）大塊牛扒配粗身薯條🍟，牛扒五成熟，食落鬆軟，原粒燒蒜頭、炒洋蔥都煮得好軟、好香、好味。🔸是日蛋糕 – 藍莓芝士餅（跟餐+$15）芝士味好濃、好豐富！質感都算滑。餅底似係用左消化餅，所以好香！抵食又好味😋！🔸黑糖鮮奶咖啡（跟餐+$18）面頭係一層燒過嘅黑糖，好香，飲落去黑糖味都突出。口味又唔會太甜，都幾好飲。🔸海鹽焦糖鮮奶咖啡 （跟餐+$18）海鹽味明顯，雖然味道唔算好濃，但飲落好舒服，口感豐厚，唔錯。