佳芳廚房 (Moved) New Location

今日約咗朋友食linch,佢介紹咗呢間餐廳，睇睇餐牌，價錢大眾化，唔算太貴，入到去店員極力推介佢地嘅招牌豬手，咁就叫黎試吓。招牌南乳豬手麵配韭菜豬肉蒸餃份量都幾大碟，仲有大量生菜，撈麵都幾好食，麵質煙韌彈牙，而豬手個顏色都幾靚，食落好重膠質，煮得好入味，個皮都幾Q彈，店員真係冇推介錯，好味。而韭菜豬肉蒸餃都幾大隻，入面勁足料，咬開仲有好多汁湧出黎，好juicy,好味。無骨海南雞飯配湯雞嘅份量都算多，食落都好嫩滑，佢地嘅油飯都唔錯，幾香口，仲有跟埋個湯，個湯味道清清地，都好有雞味，飲完都唔口渴。涷檸茶檸檬夠酸，唔苦，茶味幾濃