Video
Read full review
2021-10-18
48 views
今日約左一班朋友係屋企開party，次次都係叫外賣，今次有新意，試下自己燒沙嗲有得玩有得食，開party玩得都開心d沙嗲串燒招牌同餐牌放係一齊，基本上串燒有四種肉可以揀，豬肉，牛肉，雞肉同羊肉食咩肉就按自己喜好揀，最好係佢買夠10包串燒沙嗲會送一個小型烤爐，自己之後又用得返，當然要一試雞肉$70豬肉$75牛肉$80羊肉$85門面簡單，因為唔係做門市，所以都無咩好誇張既裝修串燒包裝乾淨衛生，用真空包裝處理，一開就可以即刻燒，方便簡單，唔使自己慢慢腌慢慢用竹簽串，另外有花生醬同辣味醬點黎食拆開見到原來每串份量都唔少，一包12串，平均一串都唔使6.5蚊，又有得玩下，真係好正燒烤爐一次可以放6-8串燒，我地一路燒一路傾計，好快就燒好，雞肉最快熟，食落好嫩好juicy，沙嗲腌得好入味，重點係佢無味精，唔會食完狂飲水，最後燒到有少少燶邊就惹味到停唔到口豬肉都好冧好入味，沙嗲有少少甜，加埋點d花生醬食就仲香，小型燒烤爐有兩個烤盤可以整熱d醬，好方便我地燒左兩三次，慢慢掌握到要點燒先岩，愈燒愈有信心，不過記得要留意因為腌肉有沙嗲醬，太耐唔轉就會好易燶晒唔食得，所以我地之後就轉密d，果然靚左好多我地最後
沙嗲串燒招牌同餐牌放係一齊，基本上串燒有四種肉可以揀，豬肉，牛肉，雞肉同羊肉食咩肉就按自己喜好揀，最好係佢買夠10包串燒沙嗲會送一個小型烤爐，自己之後又用得返，當然要一試
雞肉$70
豬肉$75
牛肉$80
羊肉$85
門面簡單，因為唔係做門市，所以都無咩好誇張既裝修
串燒包裝乾淨衛生，用真空包裝處理，一開就可以即刻燒，方便簡單，唔使自己慢慢腌慢慢用竹簽串，另外有花生醬同辣味醬點黎食
拆開見到原來每串份量都唔少，一包12串，平均一串都唔使6.5蚊，又有得玩下，真係好正
沙嗲串燒-豬肉
$75
9 views
1 likes
0 comments
燒烤爐一次可以放6-8串燒，我地一路燒一路傾計，好快就燒好，雞肉最快熟，食落好嫩好juicy，沙嗲腌得好入味，重點係佢無味精，唔會食完狂飲水，最後燒到有少少燶邊就惹味到停唔到口
豬肉都好冧好入味，沙嗲有少少甜，加埋點d花生醬食就仲香，小型燒烤爐有兩個烤盤可以整熱d醬，好方便
花生醬，辣味花生醬
6 views
0 likes
0 comments
我地燒左兩三次，慢慢掌握到要點燒先岩，愈燒愈有信心，不過記得要留意因為腌肉有沙嗲醬，太耐唔轉就會好易燶晒唔食得，所以我地之後就轉密d，果然靚左好多
我地最後燒牛肉，燒得最靚最好食，牛肉又冧又入味，外邊焦香，聞到都覺得好好食，下次開party只係去買串燒就得，個爐又可以用得返，想試下自己動手燒既好選擇
牛肉
$80
1 views
0 likes
0 comments
Post
