OK德海南雞專門店 (新都城中心) (Closed)

今日去咗親戚屋企食飯， 四個人唔想煮直接去咗新都城搵嘢食， 老人家比較鍾意食中菜唔鍾意食西餐， 簡簡單單揀咗海南雞飯比佢哋。一嚟到有碗例湯飲，今日係青紅蘿蔔湯，湯頭幾甜好似屋企人煲嘅味。感覺上應該係冇味精嘅。小食方面就叫咗娃娃菜健康啲呀嘛。既然叫得做ok海南雞,咁梗係叫個招牌海南雞飯試吓啦，雞肉好嫩滑，唔會好鞋，不過我嫌佢多左少少骨，老人家食嘅話就要小心啲啦。個飯都有啲雞油味唔錯。另外都叫咗個豬脾湯河，有好多舊唔錯。