Mamma Always Said (Closed)

聽個名都知呢度係主打comfort food。casual得泥服務又貼心。好處係呢度嘅portion都好細，近附tapas嘅size，可以試唔同嘅dish！同埋呢度嘅酒價錢相宜，唔會Mark up得太多！Appetizer我哋試左whipped ricotta, salt and pepper calamari同crispy fries。whipped ricotta配青瓜條，青瓜好新鮮，其實就咁食都已經好好味。calamari同fries正常發揮，炸得香脆。Main試左fried chicken, grilled barramundi 同slow cooked pork ribs。pork ribs用可樂整，甜甜地好惹味，slow cooked令到佢骨肉分離，好好食，加上清新嘅青蘋果coleslaw，balance番pork ribs嘅味道。barramundi 用牛油同lemon grill，煮得啱啱好，唔會過熟，真心唔錯。再加上少少麵包粒，香脆可口。