發哥粥底海鮮火鍋 (Closed)

屋村的隱世美食，住在附近的人才會知道。平時返顯徑探屋企人，都會去冬菇亭逸翠軒飲茶，夜晚都試過食小菜。而家原來有邊爐打，外子係邊爐控所以今晚閒日，趁人少少試下。主食有四個餐，選了中價位的龍蝦餐和新鮮鮑魚。另外任選八款配菜。飲品除了酒精類，其他汽水和竹蓆茅根任飲。海鮮全部都好新鮮，這個值得一讚👍🏻尤其係龍蝦，海蝦，鮑魚和聖子，非常鮮甜美味😋鮮鮑魚端出來時還郁下郁下😆😆任選八款中點了兩個肉。其中日本黑豚真係好惹味，好有豬味！另外自家手打墨魚丸，好彈牙鮮甜。更加驚喜的是竹蓆茅根，又係鮮甜解渴，配搭打邊爐可降火。靚姐説原來是自家煲的，無添加。太好飲，兩個人車左三瓶🤣打邊爐食海鮮肉類菜類，也是有點口寡，最後也加了飯，完成整個粥底火鍋。粥底吸收了所有海鮮肉類的精華，複習的味道刺激味蕾，正！整體來説，所有食材都好新鮮，性價比高✊🏻特別欣賞自家手打的墨丸和竹蓆茅根，看得出店家的誠意。用心製作的值得欣賞。下次叫埋屋企人一齊食，打個暖笠笠的邊爐。