一碗入魂 (Closed)

呢間拉麵舖係海濱屋苑開左一陣，成日經過見到都想試。今日諗唔到晚餐食咩，決定落樓下試試佢啦。今日同屋企人三個人，每人嗌左一碗拉麵仲加左兩個小食share食。好彩我地早入去食，因為舖頭唔大間，好快就開始等位啦。 一入到去店員就比左張點餐紙我地，呢間拉麵舖除左拉麵，都有啲小食比大家選擇。 兩個湯底都唔錯，味道濃郁但唔會太油。拉麵雖然無得揀軟硬，但我覺得適中。每碗都有兩塊燒過既豚肉，燒得好香好淋。同埋隻溏心蛋，係有整整一隻，醬油浸到入面都有味😋*1 *2 炸得好脆又唔會好油，仲要真係好香芝麻味，鍾意食雞翼既我十分推介👍🏿 餃子可以揀一款汁配答。煎得又係好香，不過本人唔太好餃子。