盈暉海鮮酒家 (Closed)

聽人講，疫情下呢間酒樓喺晚市嘅情況真係慘不忍睹，今晚一於幫襯下。週六晚近七點到酒樓，見倒得七八枱客，加埋都唔夠三十人，真係開唔開都死。我哋一行四人啱啱好坐一張枱，唔使分開坐。好耐之前試過飲早茶，叫極啲侍應都唔會有人應你。今次竟然一反常態，有個疑似係部長/經理喺我哋入坐無耐就企喺附近等我哋落單，真係生意難做。二至四人可叫一個特價餸，我哋就揀咗燒雞(半隻$48)。另外再叫咗黄金蝦、紅燒豆腐煲、海蜇拼燻蹄同蒜蓉炒白菜。整體嚟講，啲餸菜味道唔差，份量都ok，員工態度比之前幫襯時好得多(早/晚間啲夥記唔同？)。如果繼續保持倒呢個待客之道，都可以支持下嘅。