Video
Read full review
2017-04-03
1059 views
Big Master時不時都發起去打邊爐, 試過有一排每星期去一次, 所以每次都會揀任飲任食嘅, 但來來去去都同一間, 食到好鬼悶架….加雲無意中發現富東閣都有做任食邊爐, 所以今次轉下場嚟試下D質數, 門面及裡面嘅裝修都係一般屋邨酒樓, 佢都光光猛猛, 乾乾淨淨.識食當然要揀宵夜時段, 平日一至五20:30後入座就成人$128, 小童及長者任何時段都$108, 全包任食任飲2小時, 無茶芥加一, 每位加送2隻海蝦.坐低先細心睇個餐牌, 佢D湯底唔係一般行貨喎, 有重慶雞煲, 濃湯豬骨煲, 胡椒豬肚雞煲, 椰子雞煲, 都唔洗加錢可以叫, 嘩嘩嘩…. 出面D酒樓一定要另加$68-88起碼啦, 唔洗加錢咁筍當然叫番個啦. 再睇下個邊爐嘅配料, 有象拔蚌片同廣島蠔都係我嘅至愛, 喺一般任食火鍋少見嘅, 我之前食開個間就無呢2樣喇, 當然我一定會叫嚟試下啦, 仲有花膠片呢! 而湯底方面, 我地叫咗個” 胡椒豬肚雞煲”, 佢地用黑色嘅鑄鐵鍋同GAS 爐, 有別於一般酒樓嘅火鍋煲, 咁樣較快傳熱. 而個湯底出來後我地撈過, 豬肚同雞都有好多, 都有一碟餸嘅份量, 絕無戲場喎. 湯底味道好正,
識食當然要揀宵夜時段, 平日一至五20:30後入座就成人$128, 小童及長者任何時段都$108, 全包任食任飲2小時, 無茶芥加一, 每位加送2隻海蝦.
坐低先細心睇個餐牌, 佢D湯底唔係一般行貨喎, 有重慶雞煲, 濃湯豬骨煲, 胡椒豬肚雞煲, 椰子雞煲, 都唔洗加錢可以叫, 嘩嘩嘩…. 出面D酒樓一定要另加$68-88起碼啦, 唔洗加錢咁筍當然叫番個啦. 再睇下個邊爐嘅配料, 有象拔蚌片同廣島蠔都係我嘅至愛, 喺一般任食火鍋少見嘅, 我之前食開個間就無呢2樣喇, 當然我一定會叫嚟試下啦, 仲有花膠片呢! 而湯底方面, 我地叫咗個” 胡椒豬肚雞煲”, 佢地用黑色嘅鑄鐵鍋同GAS 爐, 有別於一般酒樓嘅火鍋煲, 咁樣較快傳熱. 而個湯底出來後我地撈過, 豬肚同雞都有好多, 都有一碟餸嘅份量, 絕無戲場喎. 湯底味道好正, 胡椒唔會太辣, 用呢個湯底烚嘢食仲會食出豬肚嘅味道.
送嘅海蝦都無係細隻架, 仲好新鮮, 肉質好爽口添.
邊爐嘅配料用一個大碟排好出來, 見到所有嘅食物都好新鮮, 唔會將貨就價喎, 廣島蠔嘅size 都唔細隻架, 好正, 我一個人食咗4隻, 象拔蚌片就無乜味, 如果好似我鍾意食佢嘅口感嘅呢, 都值得一試. 花膠片對我來講用來打邊爐有點古怪, 我自己比較鍾意飲花膠湯囉, 以呢個價錢都有花膠仔你揀已經好唔錯, 但花膠本身無乜味道, 我就唔多識得品評喇. 滑牛肉真係幾滑, 無脂肪嘅, 我本身就唔太like食肥牛, 我見隔離枱嘅肥牛, 真係”肥” 多過”牛”, 因為種類太多都唔能夠一次過試晒, 但所有我有點過嘅質數都唔差, 好對得住個價錢.飲品有啤酒(當晚係獅威), 七喜, 可樂, 康師傅蜜桃茶同檸檬茶….等等任揀.
仲有2款糖水(只見到其中一款係紅豆沙), 又有椰汁糕, 及一d前菜好似黑木耳, 拍青瓜…之類嘅, 又有小食炸魚之類的, 全部放喺出面任你自己揀.
只有一點係調味料醬太少, 只有濕蒜蓉, 辣椒仔粒, 蔥花, 同腐乳醬4款, 最好俾多d選擇就會好好多囉.
每人仲有一杯小嘅牛奶公司雪糕, 寫明只限一杯, 多攞嘅要每杯收$15架, 其實打邊爐嘅配料都咁多選擇, 邊仲有辦法食多2杯雪糕呀…
總之咁嘅價錢有咁多湯底揀, 又有咁多配料, 今次我地個個都食到捧住個肚走呀, 而且Big Master仲開心到就週介紹住附近嘅朋友過來幫襯, 真少見.
Post
