康城酒樓

Open Now

Now Closed

呢間康城酒樓食物同服務都差到極點，因為有家中嘅長者嘅原因，所以焗住要喺呢度食。腸粉好似啲爛泥咁樣，擺到入口根本吞唔落，啜住喺喉嚨嗰度，鯪魚球硬到好似哥爾夫球咁，煎釀三寶翻煎翻煎再翻煎，牛肚鹹到腎衰竭，山竹牛肉嗰啲牛肉好似畀狗偷食過咁樣，鴨腳扎好似啲二手回收點心咁樣，隻鴨腳畀人咬咗半隻？總之啲點心樣又唔得味道又唔掂！服務態度仲搞笑，全部夥記都好似阿崩叫狗咁越叫越走，喺你面前行過都唔幫你開 點心卡同沖茶，全部都時運高咁，各位夥記門最熱充嘅就係同啲熟客師奶打牙骹。環境又係好得意㗎，遇著落雨就會天花板漏水，最好就擔住把遮嚟食嘢啦。