金泰園 (Closed)

今日同朋友們去開青衣長發，睇下有咩食，一路搭電梯一路睇，都無邊間想食，正感失望，上到５樓見到呢間金泰園，一於試下！入到去好多位，就隨便搵個位坐，即刻有侍應黎招呼，好好笑容，落單時仲有講有笑，服務好好！講返食方面，我地有幾個都叫左泰式炒金邊粉($48)，好大碟，而且濕度剛剛好，唔會太乾而入唔到口，不過太大碟，我朋友食唔晒！我另外有朋友就叫左個香芋海鮮焗飯($48)，都係大大碟，睇相就知好足料！至於我就叫左個食親泰國野都一定叫既泰式海南雞飯啦($50)！我仲專登叫加飯，因為平時既我一定唔夠食，佢都俾，好抵！Ｄ飯既雞油味香噴噴，Ｄ雞就好滑，份量就少Ｄ，不過好味就得！總括黎講，叫間屋邨泰國野新開無耐，乾淨企理服務又好，野食ＯＫ，大家快Ｄ試下！