泰然 (順利商場)

Open Now

Now Closed

同屋企人在順利邨食晚飯，睇到晚上都係做街坊生意，好多人黎食晚餐，相信中午都係做學生&街坊生意。餐廳有個好抵食嘅套餐，係全日孖寶套餐A加B，佢個份量係兩個人嘅，我哋先嗌咗半隻海南雞，再加泰式豬頸肉炒通菜煲，要咗一個前菜係細嘅泰式無骨鳳爪，另外加個黃咖喱牛筋腩，配薄餅，最後叫咗個甜品拼盤。半隻海南雞是無骨的，肉有脾同胸，有兩種醬料，蔥油&酸辣醬。豬頸肉炒通菜有馬拉盞炒好惹味，用鑊仔上有個火仔保温。我們食泰國野都想叫泰式無骨鳳爪，呢個A+B餐都是加$38，而甜品拼盤（小）都可以比$42加配，呢個有三件甜品各二，分別是千層糕、奶茶布甸、同埋西米糕。黃咖喱牛筋腩就好送得飯，牛筋同牛腩都好冧，完全唔痴牙，值得一叫👍🏻嘢飲方面我們就叫左芒果芝士沙冰同埋珍多冰，呢兩杯特飲都唔錯，夏天飲夠哂凍。