青咖喱屋 (Under Renovation)

近mtr既熟食中心，唔顯眼，入到去上1層就到。因為佢鋪頭細細地，所以去到都坐滿，不過好彩唔駛等位。叫左沙嗲串燒6串(豬雞各半)，海鮮炒飯，青咖哩雞肉，白飯，椰青，汽水，合計$250左右。炒飯有10隻蝦左右，冇諗過咁足料，唔會太乾，食食下加左d青咖哩，咖哩既辣我覺得比紅噹噹既辣接受到and好食，所以我食得落咖哩既辣。加左咖哩就濕d。青咖哩入面有薯仔，豆，仲有10幾件雞肉，唔似其他地方用好多薯仔充當多雞肉，特登叫左白飯，配咖哩汁食。沙嗲串燒最有驚喜，最抵食。d沙嗲醬有原粒花生，而且燒得一d都唔硬，易咬甩，有時d餐廳寫明要6串一樣款，但尼間唔需要，good。椰青夠大個，好多椰青肉慢慢挖黎食，食完咖哩飲好fresh。除左地方遠左d之外，其他都好，雖然係熟食中心入面，但衛生接受到，地面唔係濕淋淋既，周圍見到其他食肆既衛生都ok。