臨記車仔麵 (Closed)

最近星期六日都落雨,無得帶仔仔出街。就決定行遠小小去啟田商場Aeon shopping。係美國冒險樂園對面剛巧見到這間臨記車仔麵。見未夠12點店內就坐咗一半,而且座位寬闊,放BB車都完全無問題。老公叫了一個牛魔王,可選擇+腩汁或沙嗲汁。臨記車仔麵湯底偏清甜,一碗已有5款配料。牛腩炆得淋身入味,蘿蔔清甜我自己就選擇了自選車仔麵+番茄湯番茄湯非常鮮甜,完全唔似加咗味噌,連仔仔都食得好開心。配菜叫了店員推介的自家製鮮竹卷+溏心蛋!!!兩樣都一試難忘,忍唔住要影張相,推薦比大家自家製鮮竹卷,鮮竹浸透番茄湯底,加上內裡夾著冬菇,豬肉等。係出面打邊爐食唔到的口感!!另一推介溏心蛋亦是必點,流心度剛剛好,醃得入味。下次再黎要一人一隻先得我們還叫了新彊燒雞翼。$28有5隻價錢相宜,雞翼偏細,但作為開胃小食亦不錯之選。