新派韓食館 (Closed)

琴晚喺阿姨既帶路下黎到佢家樓下食韓國菜 佢話食過幾次幾好食 所以見我地黎到帶我地試番次 估唔到咁新派既韓國菜會喺屋邨商場都有 以為都係d大集團食肆壟斷平時我都好中意食韓國菜 所以今晚正合我心意。阿姨落左幾道佢食過好食既菜 我地都冇意見落左未有野食前望下間餐廳環境 感覺真的到左韓國既餐廳呀 而且播住韓國歌曲好有feel!餐廳都設計得幾有趣 見幾靚影低左 哈哈我地點左唔辣既海鮮烏冬鍋 有鮑魚 蝦 青口 蔬菜等 各款海鮮都新鮮 特別係隻鮑魚好爽口海鮮湯好鮮甜 烏冬清清地都好食我中意食哩個鍋呀！我差唔多飲晒d湯醬油蟹係有一全隻 都見到有蟹膏 未食到覺得吸引 原來哩度既店員會拆埋d蟹肉蟹膏撈埋d飯到 我覺得好方便食客 唔洗我地食到咁麻煩 哩個服務好貼心仲點左一份辣醬炸雞 個皮炸到金黃色好香口 外層既辣醬好味！第一次飲原隻菠蘿冰 好大杯而且感恩係新鮮果肉榨汁 ！好甜