十二味貴陽牛肉粉 (Closed)

知道呢間舖人氣高，但一直未有機會嘗試，呢晚一個人，正好探路！唔肚餓，點咗紅燒牛肉米粉，加兩蚊轉卷粉，少辣，走紅油，走莞茜，承惠五十四蚊，唔算平因為下午六點幾，店內只有三位客，好快上菜呷一口湯，麻香中帶點辣，好惹味喎不過，同譚仔，南記一樣，湯頭濃香的必有味精，所以唔敢飲太多牛肉粒夠淋夠入味酸菜也昰亮點，夠酸夠爽口，正！卷粉好似以前某日式連鎖店既屏屏面本人最愛，好滑但碗粉後勁凌厲，越食越辣，食到後來其他味無晒。之後跟枱面指示，加啲豉油同醋。。。嘩，好好味呀！唔怪之得咁細間又咁鬼癖都有人黎食！食完，無乜口渴既感覺，可能我無大口大口飲湯。。。不過淨食粉都已經好好味，同埋少粉女仔已經夠。下次會帶吃得辣既同事黎試！！（btw, 隔離嗰間新開既名字相近既舖好誤導，抄人地名咁無品，小心入錯）