Pizza Delicaso

Open Now

Now Closed

同朋友黎左欣屏苑，Lunch到左商場食，轉左一圈決定食Pizza，就揀左Pizza Delicaso，佢外賣堂食都ok㗎，有位坐😋⭐Large Pizza叫左個大薄餅，要雙併口味Beef + Tuna Fish，一上枱就香噴噴，上面仲有厚厚嘅芝士，睇見都流口水🤤基本配料有三色椒、橄欖、青瓜等，牛肉口味就係加咗牛肉粒啦，另一款加咗吞拿魚塊，醬汁係蕃茄醬，酸酸甜甜係好食喎。⭐Lamb Burger + Fries + Drink另外要咗份羊肉漢堡餐，漢堡包入面夾住羊肉扒、生菜、蕃茄、青瓜絲，醬汁係帶有辣味嘅千島醬，鬆軟可口👍⭐Lamb Paratha Roll + Fried + Drink自己就加咗份羊肉卷，餅皮有點酥皮嘅感覺，內邊包住羊肉粒、青瓜絲、生菜、蕃茄粒、三色椒等，醬汁用上青瓜乳酪醬，酥軟香甜有口感，正👍個餐仲有薯條同汽水，薯條都係即叫即炸好香脆㗎。除咗點茄汁，餐廳仲會附上四支醬料，辣椒醬、辣味千島醬、青瓜乳酪醬同薄荷沙律醬，我就覺得呢四隻醬都好好食，尤其鍾意支薄荷沙律醬🤤順帶一題，美食廣場有個牌仔寫住用餐後自己收拾垃圾，咁當然好多人唔會咁做，餐廳員工都會出嚟幫手收嘅。