脆味批

Open Now

Now Closed

今日我哋響油麻地砲台街公司 order長沙灣分店叫咗外賣送貨 佢哋控制送來時間做到恰到好處。 已經幫襯咗佢哋幾次。 事緣今日我哋叫咗個五至六人餐 有兩個pizza 仲有其他小食飯麵， 點知嚟到之後發現少咗一個pizza……跟住佢嗰位司機外賣員知道之後即刻致電公司叫佢做返一個畀我哋、轉頭佢話盡快會送到。咁我哋等咗大約25分鐘時間啦～ 嚟到之後猛話唔好意思呀！我哋仲有啲小食請返你哋大家食。 原來佢再送多一盒炸雞同埋一盒洋蔥芝士圈比我哋當陪罪。 大家都好感動，我哋唔係貪圖佢再送畀我哋 呢啲小食.而系覺得佢公司誠意好夠。真的有♥️小店👍 而且佢哋啲食物水準保持好平均唔會時差時好😋👍 會再次再次幫襯呢！