鋿晶館

Open Now

Now Closed

媽咪突然間話夜晚想食點心，咁就即興地搵到一間位於荃灣大河道130號“鋿晶館”，有意外驚喜。我地嗌左“”黑鬆露北菇燒賣皇“”$20，兩粒嘅份量等於出面一般四粒燒賣咁濟，原隻蝦肉口感爽脆。再嚟就係“”月半晶瑩鮮蝦餃“ $22。同樣地份量10足，咬入去啖啖蝦肉，點啲辣椒油更錦上添花。之後到“”好姐潮州蒸粉果“$24，我本身並特別喜歡食粉果，但係黎一個真係做得好出色，爆涵之餘而且外皮做得好柔軟，一軟一膠兩種口感好夾 。另外就係“”南翔小籠包“$34，正常發揮。反而有驚喜嘅就係“”齒頰留香脆蘿蔔腸“$38，叉燒腸等就食得多 ，呢一種用腸粉包住炸脆左嘅蘿蔔腸粉都係第一次食，好適合食齋嘅人士。最後亦都係最驚喜嘅就係“”蒜香蝦春卷“$38，兩大條打斜切開 ，如圖所示完全喺鋪滿哂，同出面一般茶樓得春捲皮嗰啲差天共地。同員工吹下水，先知餐廳原來是自家製品牌，所有點心現場即點即做手作點心，師傅就職於日本多年，回港後在多間米芝蓮酒店及大型連鎖酒樓集團做主管，經驗豐富。