小蟻人 甜品西餐 (Closed)

經常走去厚福街食野，因為呢條街實在太多餐廳，行到去一定可以㨂到你想食既。見到有一間甜品+西餐廳新開張，就㨂呢一間。一入去，店員好有禮貌，而且主動介紹今晚既set dinner，講得又清𥇦，又有耐性，like!炭燒水牛城雞中翼雞翼燒得外脆內熱，即叫即燒，好熱好脆，水牛城味道好香好入味，而且帶少少辣，好惹味咖哩牛腩配薄餅咖哩味好香濃，咖哩辣度適中，帶少許椰香味同洋蔥味，咖哩入面既香料好香好濃，正！牛腩好有牛肉味，林林地，好香。至於個薄餅，好香好脆，而且厚薄適中，點上咖哩，好夾！士多啤梨果茶好香好香既士多啤梨味，而且帶好少既甜味，好香好正朱古力木糠布甸好香濃朱古力味，而且布甸好香好滑，而且唔會好甜，再加上士多啤梨movenpick 雪糕，超正，雪糕香滑，啖啖士多啤梨果肉，好有口感，凈係食個雪糕已經值回票價是次用餐，除左食物質素好令我有深刻印象外，呢度既服務真係一流，而且又好細心，層次高啲既員工，係真係值得層次高啲既人工，店主任應記一功