Girlboss by Master Kama (Closed)

有聞屯門市中心開咗一間好LADY嘅餐廳，連餐具同埋托盤都係金色咁過癮，今日經開就嚟試吓。嗌完嘢食之後店員就會放低呢一個high tea嘅托盤，每碟嘢食嚟到就可以放喺托盤上面，好似食緊high tea咁，好grand啊。三文魚柚子檸檬玻璃杯沙律，呢度嘅沙律賣相十分精美，上檯嘅時候用個玻璃杯裝住，啱哂我呢一啲妹豬攞嚟呃like，新鮮嘅baby spinach 配以酸酸哋嘅檸檬柚子汁本身已經無敵，再加上有我喜愛嘅紫洋蔥碎同埋capers，食落更加對美。蟹肉牛油果蘋果青瓜沙律，蟹肉碎雖然被沙律醬緊緊包圍，但係都仍然食得出當中嗰一份鮮味，牛油果嘅份量唔算多，絕對唔會喧賓奪主，原來牛油果，青瓜同青蘋果個味道係非常之夾架。德國腸凍肉芝士拼盤，呢個拼盤有三款德國腸同埋兩款芝士，叧外仲有一份cold cut添，作為延續沙律嘅開胃小食就最好不過，德國腸點一點隨附嘅紅莓醬，味道更加平衡。Shake Shake單骨雞翼(配十選一Shake粉)， Shake粉有成十個味道可以揀，我揀咗章魚燒味， 廚師細心將雞翼切成單骨，特別方便進食，放啲Shake Shake粉入袋度再Shake 一 Shake佢， 極具玩味。