棠記海鮮小廚

Open Now

Now Closed

今日山長水遠入到嚟屯門三聖，網上見到有間大排檔好似幾唔錯🙈，嚟到餐廳發現餐廳有兩個對住嘅舖位，不過因為客人較多，所以只可以喺走廊位冇冷氣嘅地方坐。。豉油王鵝腸豉油味濃烈，煮得鵝腸好入味，除咗鵝腸之外，芽菜都係主角之一，底部嘅芽菜吸收左汁同鵝腸嘅精華，幾好食😛。。菠蘿咕嚕肉重點推介，咕嚕肉肥瘦適中，個醬汁嘅酸甜都調校得啱啱好，好入味，口感好好，炸粉薄而目炸得好脆😆。。豉椒炒蜆賣相好吸引，識落味道都唔錯，豉椒味濃郁，而且蜆肉先甜，分量十足👍🏻，不過略嫌有少少沙。。椒鹽酥炸鮑魚炸鮑魚第一次食，口感上幾唔錯，即是經過高溫油炸，咬落都係咁彈牙，厚肉得嚟味道亦都鮮甜😃。。腐乳炒通菜口感爽脆，腐乳味十足，不錯。