泰廚房子 (Closed)

最近公司附近新開左一日泰式餐廳「泰廚房子」，作為屯門友，緊係率先嘗下鮮啦😂話哂質素高嘅話，以後又有一個飯腳點😎.中午有Set Menu，共有15款，有齊湯粉，炒河，咖哩，豬手飯，海南雞飯等.【香茅豬扒飯煎蛋飯 $65】豬扒用香茅醃得好入味，肉厚嫩滑且帶陣陣香茅味，值得一提嘅係，以蒜粒，黑椒等製成嘅自家製芡汁，豬肉蘸上醬汁，更有層次感呢🥰米飯亦配一個太陽蛋😎.每Set附送的一杯飲品，揀左凍泰式奶茶（吾洗額外加錢🥳），泰茶獨特的茶香加上煉奶，每啖都係濃郁而順口😍.【泰式海南雞定食 $72】一Set有油飯，湯，海南雞，甜品同飲品。先呷一口味道濃厚嘅老火冬瓜湯，跟住就係已去骨嘅海南雞啦😎雞肉極之嫩滑，啖啖都係肉呢👍蘸上泰式醬汁或薑蓉，兩層味道🥰油飯選用絲苗米，香中帶咬勁。最後，食埋個班蘭椰汁糕，甜度岩岩好，椰汁味更突出，畫上一個完美句號～餐飲選左熱泰式奶茶，相比起凍飲，奶茶味更濃厚😈.【手包春卷拼魚餅 $18。蒜蓉包 $20】以優惠價選購～春卷餡係素菜，有粉絲，紅蘿蔔絲等，而魚餅更驚喜😆口感彈牙，有大量嘅香茅粒，所以好香口！蒜蓉包好脆口，表面灑上藜麥～.【蛋糕 $29】套餐可升級優惠價加購一件