Cafe 1950歐陸餐廳 (Closed)

屯門區近年面目煥然一新，新興食肆林立。「Cafe 1950歐陸餐廳」係安定小區頗為注目嘅餐廳，皆因佔地都算大，座位多而環境舒適。打開餐牌，發現食物種類好多，上至小食、韓式鍋物甚至係据扒都會有，迎合唔同人口味，非常適合一大班人聚餐。呢日我就揀左生蠔４隻、溫泉蛋凱撒沙律、西班牙海鮮炒飯、鐵板西冷＜溫泉蛋凱撒沙律＞沙律份量十足，新鮮沙律菜配上流心溫泉蛋，加入凱撒沙律汁一拍即合＜西班牙海鮮炒飯＞呢個最有驚喜，估唔到依個價錢都可以食到幾高既質素，首先賣相已經攞左好高分，炒飯夾離勁多海鮮！同時炒飯微微拉芝士，岩哂一眾芝士控！＜鐵板西冷＞鐵板西冷都係一個不過不失選擇，不過薯條唔係用一般波浪薯條，亦唔係用ｍ記營養不良薯條，而係厚切薯條！簡直比到我一個驚喜！其實間野食物真係唔差，不過餐廳可以多注重衛生，用餐期間有小蚊滋飛來飛去，座位亦有污漬，令觀感大大扣分！