轉角 (Closed)

係市中心附近要搵間食得下既cafe 都唔係咁易，偶然發現呢間新開既cafe，就試一試啦。兩人叫左一碟香煎大蝦蝦油意粉，一碟咖喱吉列豬排蛋包飯。先講大蝦蝦油意粉，個人覺得幾特別同幾好味。蝦油味好香好濃，有啲似蝦子果仲香味。大蝦雖然唔算好大隻不過都爽口，蝦腸都清走，唔錯。因為我唔食忌廉所以走左忌廉，口感會偏油一點。至於咖哩吉列豬排蛋包飯，我先生覺得比較普通，豬排口感似急凍吉列豬排，咖哩係典型日式甜咖哩味道，而炒蛋係成個飯煮得最好既部份夠嫩夠香。 飲品方面我叫了杯flat white （外賣杯上），跟餐加$8 蚊。屯門小店黎講真係唔錯，沒有很重既果酸，啡味濃，奶夠厚夠滑，溫度適中。地區性黎講係唔錯既選擇，我地都會再去。