赤橋拉麵 (Closed)

下雨天，由天水圍坐751輕鐵去食拉麵。今日好好彩，可能因為天雨關係，唔洗等位就直接入座。一坐下，店員由雪櫃取出2隻雪凍的水杯，另外取出餐牌。餐牌十分簡潔，只有3款湯頭。分別是原味，黑蒜及海老。麵可選拉麵或沾麵。今次點了海老拉麵，賣相十分吸引，濃濃的蝦味傳入鼻內。嚐一口湯頭，果然蝦味十足，每一口都是蝦的香濃，另外麵條看似偏硬，但入口煙煙靭靭，掛湯能力強。溏心蛋，蛋香味濃。叉燒，只有紙咁薄既2片，但十分軟滑。最後，為表對廚師的尊重與讚賞，我飲光湯底，一點也不剩。