SEDAP惹味馬拉 (Closed)

是夜, 本身喺錦麗食, 點知排咗15分鐘坐低埋先發現, 主食真係得牛肉粉; 事緣我同男友都唔食牛肉, 就無奈咁轉場。見到隔離有間新開嘅馬來餐廳, 就入去試下, 總共叫咗3樣嘢:1) 玻璃魷魚通菜 ($28) - 呢個價錢, 諗住應該會好細碟, 點知比想像中大碟。魷魚係好似街邊賣魚蛋嗰隻質地嘅魷魚, 爽爽地咁, 有少少辣椒醬喺面, 個汁甜甜地又唔會太濃味, 有驚喜。2) 海鮮炒粿條 ($78) - 粿條感覺新鮮, 好似每日新鮮整, 唔識講。炒得夠鑊氣得嚟唔會油膩, 海鮮有d海水味, 蛋炒得好香, overall係好食。3) 椰漿飯配炸雞腿 ($64) - 雞脾腌得幾入味, 食得出用馬來調味粉, 炸得乾身唔油膩, d肉都幾多。飯同配菜就正正常常, 飯無乜椰漿味, 似係有少少咸味嘅晚多d。總對而言, 每樣餸都整得唔錯, 而且份量較足, 兩個中食都幾飽。下次嚟再試下其它, 同埋佢d飲品我都想試, 尤其是紅豆冰(沙冰)。