壹號餐廳

Open Now

Now Closed

今日喺屯門同男朋友係屋企附近搵咗間食茶餐做午餐，呢間茶餐廳我哋成日都會嚟食，因為佢茶餐非常之抵食，我哋今次就叫咗個蕃茄濃湯通心粉，歐陸早餐同埋個雞翼漢堡扒。蕃茄濃湯通心粉我哋成日都會叫呢個蕃茄通粉，佢嘅蕃茄湯底都非常足料，真係有好多個蕃茄俾你，而且好香蕃茄味，唔係用茄膏整出嚟嘅！雞翼漢堡扒佢嘅雞翼漢堡扒呢個非常豐富，份量非常之多，香雞翼非常香脆，而且仲係熱辣辣嘅。佢嘅漢堡扒調味都係非常足夠，食完一塊仲想食另一塊歐陸早餐另外一個歐陸早餐入面都非常之豐富，佢會有吉列魚柳，多士，茄汁豆，炒蛋，煙肉。同你平時食嘅全日早餐差不多，吉列魚柳外脆內軟非常好食😋