泰‧雅

Open Now

Now Closed

同朋友睇完戲，嚟咗呢個商場睇吓有咩食，見到呢間泰菜好多選擇，又係即叫即整，我哋就坐低係food court慢慢食啦～ 泰式肉碎炒河粉師傅即炒嘅河粉，真係非常惹味🤩 佢有得俾你揀辣嘅程度，我就揀咗小辣，所以唔食得太辣嘅朋友都可以試吓😎 河粉嘅肉碎係非常多，而且係熱辣辣，真係好似返咗喺泰國食街邊小食🥳 河粉軟硬適中，份量都好多，一定夠share黎食！炭燒豬頸肉飯可以見到個飯賣相好吸引，份量都幾多！豬頸肉外脆內軟，香噴噴，好容易咬開，一啲都唔硬，可以見到師傅嘅功格！龍眼冰香港嘅夏天真係好難頂，我哋仲叫多咗杯龍眼冰，涼浸浸，舒服晒！