Video
Read full review
2021-05-20
45 views
喺屯門起家嘅閨家之前喺富健嘅總店結業之後，最近喺屯門新墟嗰頭開返喇！一去到發現大排長龍，知佢哋咩料啦🤪😋 棒棒糖滷鴨飯 $52😋 手剁香煎蓮藕餅紫薯麵 $45😋 涼拌海蜇手撕雞 $38佢哋嘅menu真係好癲，你以為見到糖滷鴨飯呢啲咁嘅食字gag好癲咩，你睇埋英文譯名就真係知佢哋咩料喇😆 香煎蓮藕餅豬扒飯係LIHKG-PIG，梅子金沙骨飯英文係404 Not Found，手撕雞英文係Hand C Chicken，問你死未😙呢間餐廳主打家的感覺，叫飯餐跟嗰碗湯真係如杜生所講係無味精㗎！嗰日嘅湯係雪梨蜜冬百合煲豬𦟌，都幾甜，幾開胃！另一個可以體現到家的感覺嘅就係佢哋啲份量，通常老母都會怕仔女食唔飽而畀好多嘢佢哋食，呢度淨係一碗紫薯麵，望到都驚食唔晒呀😂諗咗一陣點解叫棒棒糖滷鴨飯，糖滷鴨我明呀，棒棒糖又點解呢🤣 係咪解啲鴨肉成碌棒棒咁呢？無人知，但的確滷得幾入味幾出色，點埋個甜甜的醬更出色～之前去富健嗰間想食手工麵，點知嗰日部機壞咗，今次重開終於試到！有紫薯、甘荀同埋菠菜三隻味揀。麵幾幼身，條條分明唔會痴埋一嚿，同埋一定要盡快食，因為索咗汁就無咁好食㗎喇😗 跟麵嘅蓮藕餅真係好值得小編吹奏，第一
😋 棒棒糖滷鴨飯 $52
😋 手剁香煎蓮藕餅紫薯麵 $45
😋 涼拌海蜇手撕雞 $38
佢哋嘅menu真係好癲，你以為見到糖滷鴨飯呢啲咁嘅食字gag好癲咩，你睇埋英文譯名就真係知佢哋咩料喇😆 香煎蓮藕餅豬扒飯係LIHKG-PIG，梅子金沙骨飯英文係404 Not Found，手撕雞英文係Hand C Chicken，問你死未😙
呢間餐廳主打家的感覺，叫飯餐跟嗰碗湯真係如杜生所講係無味精㗎！嗰日嘅湯係雪梨蜜冬百合煲豬𦟌，都幾甜，幾開胃！另一個可以體現到家的感覺嘅就係佢哋啲份量，通常老母都會怕仔女食唔飽而畀好多嘢佢哋食，呢度淨係一碗紫薯麵，望到都驚食唔晒呀😂
諗咗一陣點解叫棒棒糖滷鴨飯，糖滷鴨我明呀，棒棒糖又點解呢🤣 係咪解啲鴨肉成碌棒棒咁呢？無人知，但的確滷得幾入味幾出色，點埋個甜甜的醬更出色～
之前去富健嗰間想食手工麵，點知嗰日部機壞咗，今次重開終於試到！有紫薯、甘荀同埋菠菜三隻味揀。麵幾幼身，條條分明唔會痴埋一嚿，同埋一定要盡快食，因為索咗汁就無咁好食㗎喇😗 跟麵嘅蓮藕餅真係好值得小編吹奏，第一佢厚身，第二佢入而食到好多蓮藕粒同食到豬肉口感，第三係煎得非常香😝
因為唔知佢個份量咁癲，我哋仲叫咗個小食，試吓佢哋個涼拌海蜇手撕雞。呢個就無以上講嘅咁好食，手撕雞肉略嫌有啲實。
Post
