Video
Read full review
2021-03-16
325 views
終於介紹嘆甜品‼️呢間真係次次有朋友問起屯門有咩好西都想推介既餐廳😂甜品控黎到屯門真係不容錯過，唔食走寶呀!‼️以前佢得一間鋪，早2年開多左間係隔離街😂分散下排隊既人流👍🏻今次篇幅幾長下😛覺得too long to read既話可以直接拉到最落睇總結。嘆甜品環境正正常常，簡潔乾淨，新鋪會闊落啲，夜啲既話舊鋪有得坐街邊，別有一番風味(利申唔知而家仲得唔得😂)~佢個歌list真係值得一提😳首首歌都好chill好有回憶架，邊食邊聽好舒服~💛食物方面款式好多，甜品、中式西式小食都包羅萬有😋窩夫同心太軟仲有手畫貓貓畫係碟上面😍超有誠意‼️由於我地食過太多款啦，今次就重點講下心水推介👍🏻(逐樣講真係出10個post都得😂)。不過利申返先😛好多以前食落無影低，所以有少少圖文不符哈哈~✅窩夫系列 🌟5/5分嘆甜既窩夫好簡單，2個字：必食‼️每次我地去到都必叫咁滯😳(除非真係好飽😂)窩夫份量好足，唔同味道有唔同特色，唔同配搭，例如水果系列會配上唔同鮮果，baileys朱古力會有兜醬比你點，仲有麻薯、紫薯等等😆全部都好夾好好食架‼️窩夫本身外脆內軟，諗起又想食😭😭男朋友最愛baileys朱古力，女朋友就最鐘意焦糖脆
終於介紹嘆甜品‼️呢間真係次次有朋友問起屯門有咩好西都想推介既餐廳😂甜品控黎到屯門真係不容錯過，唔食走寶呀!‼️以前佢得一間鋪，早2年開多左間係隔離街😂分散下排隊既人流👍🏻今次篇幅幾長下😛覺得too long to read既話可以直接拉到最落睇總結。
嘆甜品環境正正常常，簡潔乾淨，新鋪會闊落啲，夜啲既話舊鋪有得坐街邊，別有一番風味(利申唔知而家仲得唔得😂)~佢個歌list真係值得一提😳首首歌都好chill好有回憶架，邊食邊聽好舒服~💛
食物方面款式好多，甜品、中式西式小食都包羅萬有😋窩夫同心太軟仲有手畫貓貓畫係碟上面😍超有誠意‼️由於我地食過太多款啦，今次就重點講下心水推介👍🏻(逐樣講真係出10個post都得😂)。不過利申返先😛好多以前食落無影低，所以有少少圖文不符哈哈~
✅窩夫系列 🌟5/5分
嘆甜既窩夫好簡單，2個字：必食‼️每次我地去到都必叫咁滯😳(除非真係好飽😂)窩夫份量好足，唔同味道有唔同特色，唔同配搭，例如水果系列會配上唔同鮮果，baileys朱古力會有兜醬比你點，仲有麻薯、紫薯等等😆全部都好夾好好食架‼️窩夫本身外脆內軟，諗起又想食😭😭男朋友最愛baileys朱古力，女朋友就最鐘意焦糖脆脆系列💕~
✅綿綿冰系列 (好似井財街店限定) 🌟4/5分
綿綿冰選擇又係好多🤩佢唔似坊間有啲港式糖水鋪咁比你自由DIY要咩冰咩配料咁，反而係預先組合左😜~ 款款都配搭得唔錯，岩哂選擇困難症既朋友仔哈哈😝~ 男朋友係綿綿冰既fans，一定款款都推薦🙄，女朋友就覺得豆腐幾好味道😍~
✅雪花冰系列 (好似青菱徑店限定) 🌟4.5/5分
雪花冰香港唔多地方有得賣，就算有都好貴😢嘆甜既雪花冰價錢親民，質地幼細，牛乳味道濃郁，口感軟綿🤤完全係女朋友最愛💗推薦珍珠飄雪、和風飄雪~
其實嘆甜既甜品款款都好高質🥰無論係西式既心太軟，還是中式既西米露都同樣好味，真係總有一款岩你食😘仲成日有期間限定，睇得出係好有心去提供高質既食物比客人😋~ 最緊要係食物質素夠穩定，幫襯左咁多年，無一次中伏🤣如果唔想食甜野，仲有好多港式小食，好似炸燒賣、雞翼撈丁咁，真係甜同鹹都比佢玩晒哈哈😆~
嘆甜品對我地黎講係一個充滿回憶既地方💭開心定唔開心都好，聽住懷舊既廣東歌、食住甜牙牙既甜品、望住窩心既貓貓畫，真係即刻甜在心頭，呢種味道一定就係幸福既味道☺️💕
➡️簡單總結︰位好坐、歌好聽、野好食、款好多、樣好靚、店好黃💛呢個價錢你都唔會expect佢好食到驚為天人咁誇張(始終都係想像到既味道，咪就係好味既甜品😂)，但相信都唔會令你失望而回☺️做到上面一樣半樣既甜品鋪有好多，但係做齊晒仲要質素保持穩定既，真係唔多。嘆甜品綜合各方面都令我地好滿意哈哈😝店如其名，每次想嘆甜品，就會去嘆甜品。
Ps. 寫到好似打手咁有讚無彈，但係絕對係真實感受黎😭如果係要挑剔既話🤔店內既位置可以闊落啲/變做梳化位囉😂
Post
