BYOB Coffee Roaster

Open Now

Now Closed

屯門牛又出動，去番自己地方食下cafe，唔洗山上水遠啦🤣去左虹橋嗰邊既BYOB Coffee Roaster，cafe開門就去食，所以一定有位，聽聞本身呢間都係要成日等位🤣依加BYOB Coffee Roaster 係屯門盈豐個頭都開左分店。-大蝦闊條麵 $78 （8/10）果然好有誠意，d蝦真係好大隻，肉質好爽口，仲好入味，蝦煎到金黃色，再配上忌廉汁嘅闊條麵掛到汁，闊條麵唔會太韌，岩岩好，整體成個意粉都做得好好。-墨魚汁海鮮意粉 $88 （7.5/10）繼續都有爽口蝦，不過就大蝦闊條麵啲蝦好食啲🤣 蝦Size就細啲，仲有青口，魚同魷魚，全部海鮮都唔錯，唔會食到雪藏味，意粉質感都岩岩好，不過我覺得個墨魚汁就唔夠重味啦，如果重啲就更加好，食到墨魚鮮味就正啦😍-水牛城雞翼 $48 (7/10)雞翼size都幾大姐，外脆內軟，個汁好惹味，所以整體成隻雞翼都好入味，唔錯唔錯👍🏻-整體來講成個用餐感覺都好快，可能因為好快就上到菜，cafe空間都好大，其實都好早就會坐爆人，建議大家黎都早d霸位，野食整體唔錯，但今次冇特別試咖啡，見好多人都大讚，有機會經過就買杯外賣啦🤣順帶一提餐具同水係自助式。